Иоанн Милостивый

3 сильных молитвы святителю Иоанну Милостивому

3 сильных молитвы святителю Иоанну Милостивому
3.5 (70%) 4 голос.

Оглавление:


Молитва святителю Иоанну Милостивому на хорошую торговлю

«Святителю Божий Иоанне, Милостиве защитниче сирых и сущих в напастех! К тебе прибегаем и тебе молимся, яко скорому покровителю всех ищущих от Бога утешения в бедах и скорбех. Не престай моляся ко Господу о всех с верою притекающих к тебе! Ты, преисполнен сый Христовы любви и благости, явился еси яко чудный чертог добродетели милосердия и стяжал еси себе имя «Милостивый». Ты был еси яко река, непрестанно текущая щедрыми милостьми и всех жаждущих обильно напаяющая. Веруем, яко, по преселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни. Сотвори убо твоим ходатайством и заступлением пред Богом «всякия утехи», да вси, прибегающии к тебе, обретают мир и безмятежие: даруй им утешение в печалех временных и пособие в нуждах житейских, вселив в них надежду вечнаго упокоения во Царствии Небеснем. В житии твоем на земли ты был еси пристанище всем сущим во всякой беде и нужде, обидимым и недугующим; ни един от притекавших к тебе и просивших у тебе милости лишен бысть твоея благостыни. Тожде и ныне, царствуя со Христом Богом на небеси, яви всем покланяющимся пред честною твоею иконою и молящимся о помощи и заступлении. Не точию сам ты творил еси милость беспомощным, но и сердца других воздвигал еси ко утешению немощных и к призрению убогих. Подвигни убо и ныне сердца верных к заступлению сирых, утешению скорбящих и успокоению неимущих. Да не оскудевают в них дары милости, паче же да вселится в них мир и радость о Дусе Святе, — во славу Господа и Спаса нашего Иисуса Христа, во веки веков. Аминь.»

Молитва святителю Иоанну Милостивому о помощи в бедности

«О, Богому́дре, святи́телю Христо́в, о́тче наш Иоа́нне! При́зри на нас, чад твои́х, к стопа́м твои́м припа́дающим и всеси́льного твоего́ заступле́ния пред Го́сподом сле́зно прося́щих. Беззако́ния бо на́ша отяготе́ша на нас, ско́рби и боле́зни объя́ша ны, и грехо́вныя обы́чаи на́ша отдали́ша от Го́спода сердца́ на́ша и прельще́ниям вра́жиим рабо́тати соврати́ша ны, ко а́ду преиспо́днему нас влеку́ще. Ты же, па́стырю наш благосе́рдный, в житии́ твое́м ни еди́ного скорьбя́ща, и ми́лости твоея́ прося́ща, николи́же презре́л еси́. Вознеси́ моле́ние о нас гре́шних ко Го́споду, да, умоле́н быв Ма́терию Свое́ю, преложи́т гнев Свой, по грехо́м на́шим пра́ведно на ны дви́жимый, на ми́лование на́ше и пода́ст душа́м на́шим кре́пость и телесе́м на́шим потре́бное здра́вие, боле́зней и немоще́й исцеле́ние и от скорбе́й и печа́лей избавле́ние. Моли́ся Христу́, да це́рковь святу́ю от наве́тов вра́жиих тве́рду и непоколеби́му в ми́ре соблюде́т, вся́кое епи́скопство правосла́вное и весь при́тчет церко́вный в единомы́слии ве́ры утверди́т, и́ночествующих бра́тий на́ших, в посте́ и честне́м жи́тельстве подвиза́ющихся, благода́тию смире́ния и терпе́ния снабди́т. Стране́ на́шей испроси́ у Го́спода вся блага́я и ко спасе́нию потре́бныя, да от всех враго́в, мы́слящих нам зла́я, изба́вит нас и, по вели́цей Свое́й ми́лости, всю жизнь на́шу незы́блемым ми́ром огради́т. Ей, святи́телю ми́лостивый, не лиши́ нас по́мощи твоея́ небе́сныя, но предста́тельством твои́м вся ны во приста́нище спасе́ния приведи́ и всесве́тлаго Ца́рствия Христо́ва насле́дники нас покажи́. Да пое́м и сла́вим неизрече́нныя щедро́ты Человеколю́бца Бо́га, Отца́ и Сы́на, и Свята́го Ду́ха, во ве́ки веко́в. Ами́нь.»

Молитва святителю Иоанну Милостивому о деньгах и благополучии

«Заступник Божий, Милостивый Святитель Иоанн, ты защитник сирот, нищих и других нуждающихся. С искренней верой и смиренностью к тебе обращаемся, припадаем с благоговением к ногам твоим и молитву возносим. Знаем и верим, что ты слышишь всех вопрошающих к себе и даруешь им утешения в печалях и душевной скорби. Просим тебя молиться за нас перед Господом Всевышним. Ты наделен милостью Божьей и призван был в мирской жизни показать себя образцом милосердия. Благость твоя подобна реке, которая утоляет жажду всех нуждающихся, но при этом сама никогда не мелеет. Верим, что твой сосуд милости будет также неисчерпаемым. Просим с душевным трепетом даровать всем, прибегающим к тебе, утешение в скорби и печалях, мир и безмятежность в душах. Просим даровать надежду на вечный покой в Царстве Небесном после смерти. Да будем мы жить в мире и радости во Славу Господа Всевышнего. Аминь»


Сохранить молитвы в социальных сетях:

Добавить комментарий

Ваш e-mail не будет опубликован. Обязательные поля помечены *