икона Евдокии Илиопольской

2 сильных молитвы святой преподобномученице Евдокии

2 сильных молитвы святой преподобномученице Евдокии
5 (100%) 3 голос.

Оглавление:


Молитва святой преподобномученице Евдокии об укреплении веры

«О всехвальная Христова преподобномученице Евдокие! Ты теплою любовию своею ко Христу Богу попрала еси козни вражия и обрела еси бесценный бисер Христа и достигла еси Царства Небеснаго. Сего ради к тебе припадаю и умиленною душею и сокрушенным сердцем вопию ти, страстотерпице, аз недостойный: призри с высоты небесныя на мя, боримаго греховными искушеньми, виждь вопль мой: многими грехми и бедами на всяк день враг запинает мя, ища моея погибели. Славная и всехвальная ученице и исповеднице Христова Евдокие! Умоли возлюбившаго тя Христа Бога, да подаст ми оставление многих прегрешений, да укрепит мя благодатию Своею трезвенно и бодренно шествовати путем святых заповедей Его и вселитися во святыя блаженныя небесныя обители, идеже ты со всеми святыми выну радостно славословиши Единосущную Троицу: Отца и Сына и Всесвятаго Духа. Аминь.»

Молитва святой Евдокии Илиопольской от бесплодия

«О святая угоднице Божия, преподобномученице Евдокие! Подвигом добрым подвизавшися на земли, восприяла еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.»


Сохранить молитвы в социальных сетях:

Добавить комментарий

Ваш e-mail не будет опубликован. Обязательные поля помечены *