Тихвинская икона

2 сильных молитвы Тихвинской иконе Божией матери

4.7/5 - (31 голос)

Оглавление:

Молитва Тихвинской иконой Божией матери о детях

«О Пресвятая Дево, Мати Господа вышних сил, Небесе и земли Царице, града и страны нашея Всемощная Заступнице. Приими хвалебноблагодарственное пение сие от нас, недостойных раб Твоих, и вознеси молитвы наша ко престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостививши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей: услыши нас молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя, разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша к зрению спасения, милостива нам буди зде и тамо, в стране земнаго пришельствия и на Страшнем Суде Сына Твоего; преставльшияся же в вере и покаянии от жития сего отцы и братию нашу в вечней жизни со ангелы и со всеми святыми жити сотвори. Ты бо еси, Госпоже, слава небесных и упование земных, Ты по Бозе наша Надежда и Заступница всех притекающих к Тебе с верою. Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.»

Молитва пред иконой Тихвинской Божьей матери о здоровье и благополучии

«Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниях Твоих, яже показала еси роду человеческому, наипаче же нам, христоименитым людем Российскаго народа, о нихже ниже самый ангельский язык к похвалению доволен будет, якоже и ныне удивила еси неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси Российскую страну. Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй Святейшаго Патриарха Московскаго и всея Руси, архиереи же и вся люди, и подаждь стране победы на вся враги, и сохрани вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и покланяющимся пресвятому образу Твоему, яко благословенна еси с рождшимся от Тебе Сыном и Богом ныне, и присно, и во веки веков. Аминь.»


Сохранить молитвы в социальных сетях:

2 сильных молитвы Тихвинской иконе Божией матери: 3 комментария

  1. Любовь

    Пресвятая Богородице! Молю тебя о полном исцелении дочери моей Анастасии от страшного недуга. ходатайствуй молитвами своими перед ГОСПОДОМ БОГОМ нашим о сохранении жизни и полном выздоровлении рабы Божьей Анастасии. Во имя ОТЦА и СЫНА и СВЯТОГО ДУХА. Аминь.

  2. Елена

    Пресвятая Богородица Тихвинская молю тебя исцели от бесплодия проси сына твоего Господа нашего Иисуса Христа и даровал боже мне сыночка.Слёзно молю исцелит пусть Боже пожалуйста грешную рабу

  3. Влада

    Пресвятая Тихвинская Богородица! Молю Тебя об исцелении. Даруй мне, пожалуйста, здоровье, с Божьей помощью пройти успешно лечение и выздороветь навсегда! Пусть никогда это страшное заболевание не придет в мою семью! Умоли Господа Бога о прощении моих грехов вольных и невольных. Молю Тебя, даруй мне исцеление.

Добавить комментарий для Любовь Отменить ответ

Ваш адрес email не будет опубликован. Обязательные поля помечены *