2 сильных молитвы Иоанну Шанхайскому и Сан-Францискому

Оглавление:


Молитва святителю Иоанну Шанхайскому и Сан-Францискому об исцелении

«О святителю отче наш Иоанне, пастырю добрый и тайновидче душ человеческих! Ныне у Престола Божия за нас молишися, якоже и сам посмертне изрекл еси: «Аще и умрох, но жив есмь». Умоли всещедраго Бога прощение нам во гресех даровати, да бодренно воспрянем, и Богу возопием о даровании нам духа смирения, страха Божия и благочестия во всяческих путех жизни нашея, яко милостивый сиропитатель и искусный наставник на земли быв, ныне буди нам путеводитель и в смутах церковных Христово вразумление. Услыши стенание смятенных юношей нашего лихолетия, обуреваемых беснованием вселукавым, и призри на уныние изнемогающих пастырей от утеснения тлетворнаго духа мира сего и томящихся в нерадении праздном и ускори на молитву, слезно вопием ти, о теплый молитвенниче; посети нас сирых, по всему лицу вселенныя разсеянных и во отечествии сущих, во тьме страстей блуждающих, но слабою любовию ко свету Христову влекущихся и ждущих твоего отеческаго наставления, да благочестию навыкнем и наследницы Царствия Небеснаго явимся, идеже ты пребываеши со всеми святыми, славяще Господа нашего Иисуса Христа, Емуже честь и держава, ныне и присно и во веки веков. Аминь.»

Молитва Иоанну Шанхайскому от нищеты и о благополучии в работе

«О святителю чудне Иоанне, толико распространил еси сердце свое, яко нетесно вмещается в нем множество почитающих тя человек от различных племен и народов! Призри на убожество словес наших, обаче от любве тебе приносимое, и помози нам, угодниче Божий, поне отныне очищати себе от всякия скверны плоти и духа, работающе Господеви со страхом и радующеся Ему с трепетом. И что воздамы тебе за радость оную, юже ощутихом, зряще в храме святем мощи твоя святыя и прославляюще память твою; воистину, не имамы, чим воздати, точию аще начнем себе исправляти, бывающе нови вместо ветхих. Сея благодати обновления буди нам ходатай, святе Иоанне, помози нам в немощех, исцели болезни, уврачуй страсти молитвами твоими; преставленный же от сего временнаго во иное житие вечное, в неже настави тя Пречистая Владычица, Одигитрия разсеяния русскаго, чудотворною Своею иконою Коренною-Курскою, Еяже спутник ты явился еси в день преставления своего, радуешися ныне в лице святых, славящих Единаго в Троице славимаго Бога, Отца и Сына и Святаго Духа, ныне и присно и во веки веков. Аминь.»


Сохранить молитвы в социальных сетях:

2 сильных молитвы Иоанну Шанхайскому и Сан-Францискому: 3 комментария

  1. Роман

    Очень люблю этого святого. Слава Богу его пояс привозят в храм Екатерины м. ПОЛЯНКА.
    ЕДИНСТВЕННЫЙ ПОКА В РОССИИ ХРАМ СВЯТИТЕЛЯ ИОАННА ШАНХАЙСКОГО НАХОДИТСЯ В Г. ТВЕРИ

  2. Елена

    Слава Богу за знакомство с таким великим Святым ! Святой угодниче Божий , Иоан Шанхайский и Сан -Франциский моли Бога о нас !

  3. Иоанна

    Это чудесный святой. Настоящий чудотворец. Реально слышит молитвы, обращенные к нему и исполняет прошения. Святый Иоанн Шанхайский! Моли Бога о нас.

Добавить комментарий

Ваш адрес email не будет опубликован. Обязательные поля помечены *