Николай Чудотворец

Акафист святителю Николаю Угоднику, чудотворцу Мирликийскому

4.3/5 - (218 голосов)

(при материальных затруднениях; о помощи в устройстве на работу; при продажах жилья и проч.; о пребывающих в судах, тюрьмах, в плену; о путешествующих)

Оглавление:


Кондак 1

Возбранный Чудотворче и изрядный угодниче Христов, миру всему источаяй многоценное милости миро и неисчерпаемое чудес море, восхваляю тя любовию, святителю Николае; ты же, яко имеяй дерзновение ко Господу, от всяких мя бед свободи, да зову ти:

Радуйся, Николае, великий Чудотворче.

Икос 1

Ангела образом, земнаго суща естеством, яви тебе всея твари Создатель: благоплодную бо доброту души твоея провидев, преблаженне Николае, научи всех вопити тебе сице:

Радуйся, от утробы матерния очищенный; радуйся, даже до конца освященный.

Радуйся, рождением своим родителей удививый; радуйся, силу душевную абие по рождестве явивый.

Радуйся, саде земли обетования; радуйся, цвете Божественнаго саждения.

Радуйся, лозо добродетельная винограда Христова; радуйся, древо чудоточное рая Иисусова.

Радуйся, крине райскаго прозябения; радуйся, миро Христова благоухания.

Радуйся, яко тобою отгонится рыдание; радуйся, яко тобою приносится радование.

Радуйся, Николае, великий Чудотворче.

Кондак 2

Видяще твоих мир излияние, Богомудре, просвещаемся душами и телесы, дивнаго тя мироточца живоносна, Николае, разумеюще: чудесы бо, яко водами, благодатию Божиею изливающимися, напаяеши верно вопиющих Богу: Аллилуиа.

Икос 2

Разум неуразуменный вразумляя о Святей Троице, был еси в Никеи со святыми отцы поборник исповедания православныя веры: равна бо Отцу Сына исповедал еси, соприсносущна и сопрестольна, Ария же безумнаго обличил еси. Сего ради вернии научишася воспевати тебе:

Радуйся, великий благочестия столпе; радуйся, верных прибежища граде.

Радуйся, твердое Православия укрепление; радуйся, честное Пресвятыя Троицы носило и похваление.

Радуйся, Отцу равночестна Сына проповедавый; радуйся, Ария возбесившагося от Собора святых отгнавый.

Радуйся, отче, отцев славная красото; радуйся, всех богомудрых премудрая доброто.

Радуйся, огненная словеса испущаяй; радуйся, добре стадо свое наставляяй.

Радуйся, яко тобою вера утверждается; радуйся, яко тобою ересь низлагается.

Радуйся, Николае, великий Чудотворче.

Кондак 3

Силою, данною ти свыше, слезу всяку отъял еси от лица люте страждущих, богоносне отче Николае: алчущим бо явился еси кормитель, в пучине морстей сущим изрядный правитель, недугующим исцеление и всем всяк помощник показался еси, вопиющим Богу: Аллилуиа.

Икос 3

Имеяше воистину, отче Николае, с Небесе песнь тебе воспеваема быти, а не от земли: како бо кто от человек возможет твоея святыни величия проповедати? Но мы, любовию твоею побеждаеми, вопием ти сице:

Радуйся, образе агнцев и пастырей; радуйся, святое очистилище нравов.

Радуйся, добродетелей великих вместилище; радуйся, святыни чистое и честное жилище.

Радуйся, светильниче всесветлый и вселюбимый; радуйся, свете златозарный и непорочный.

Радуйся, достойный Ангелов собеседниче; радуйся, добрый человеков наставниче.

Радуйся, правило веры благочестивыя; радуйся, образе кротости духовныя.

Радуйся, яко тобою от страстей телесных избавляемся; радуйся, яко тобою сладостей духовных исполняемся.

Радуйся, Николае, великий Чудотворче.

Кондак 4

Буря недоумения смущает ми ум, како достойно есть пети чудеса твоя, блаженне Николае? Никтоже бо может я исчести, аще бы и многи языки имел и глаголати восхотел; но мы, дивно Богу в тебе прославляющемуся, дерзаем воспевати: Аллилуиа.

Икос 4

Слышаша, богомудре Николае, ближнии и дальнии величие чудес твоих, яко по воздуху легкими благодатными крилами навыкл еси сущих в бедах предваряти, скоро от тех избавляя всех, вопиющих к тебе таковая:

Радуйся, избавление от печали; радуйся, подаяние благодати.

Радуйся, нечаемых зол прогонителю; радуйся, желаемых благих насадителю.

Радуйся, скорый утешителю в беде сущих; радуйся, страшный наказателю обидящих.

Радуйся, чудес пучино, Богом излиянная; радуйся, закона Христова скрижали, Богом писанныя.

Радуйся, крепкое падающих возведение; радуйся, право стоящих утверждение.

Радуйся, яко тобою всякая лесть обнажается; радуйся, яко тобою всякая истина сбывается.

Радуйся, Николае, великий Чудотворче.

Кондак 5

Боготечная звезда явился еси, наставляя по морю плавающих люте, имже смерть предстояше вскоре иногда, аще не бы ты предстал еси призывающим тя в помощь, Чудотворче святый Николае; уже бо нестыдно бесом летающим и погрузити корабли хотящим запретив, отгнал еси их, верныя же научил еси спасающему тобою Богу взывати: Аллилуиа.

Икос 5

Видеша отроковицы, на брак скверный нищеты ради уготованныя, великое твое к нищим милосердие, преблаженне отче Николае, егда старцу родителю их нощию узельцы три злата таяся подал еси, самаго со дщерьми избавляя от падения греховнаго. Того ради слышиши от всех сице:

Радуйся, милости превеликия сокровище; радуйся, промышления о людех приятелище.

Радуйся, пище и отрадо к тебе прибегающих; радуйся, хлебе неснедаемый алчущих.

Радуйся, богатство, бедне живущим на земли, Богом данное; радуйся, воздвижение скорое убогих.

Радуйся, быстрое нищих услышание; радуйся, скорбящих приятное попечение.

Радуйся, триех дев непорочный невестителю; радуйся, чистоты усердный хранителю.

Радуйся, ненадежных надеяние; радуйся, всего мира наслаждение.

Радуйся, Николае, великий Чудотворче.

 Кондак 6

Проповедует мир весь тебе, преблаженне Николае, скораго в бедах заступника: яко многажды во единем часе, по земли путешествующим и по морю плавающим, предваряя, пособствуеши, купно всех от злых сохраняя, вопиющих к Богу: Аллилуиа.

Икос 6

Возсиял еси свет животный, избавление нося воеводам, неправедную смерть прияти имущим, тебе, добрый пастырю Николае, призывающим, егда вскоре явлься во сне цареви, устрашил еси его, сих же неврежденных отпустити повелел еси. Сего ради с ними купно и мы благодарственно вопием ти:

Радуйся, усердно призывающим тя помогаяй; радуйся, от неправеднаго убиения избавляяй.

Радуйся, от лестныя сохраняяй клеветы; радуйся, неправедныя разрушаяй советы.

Радуйся, растерзаяй лжу яко паучину; радуйся, возношаяй славно истину.

Радуйся, неповинных от уз разрешение; радуйся, и мертвецев оживление.

Радуйся, проявителю правды; радуйся, помрачителю неправды.

Радуйся, яко тобою неповиннии избавлени от меча; радуйся, яко тобою насладишася света.

Радуйся, Николае, великий Чудотворче.

 Кондак 7

Хотя богохульное еретическое отгнати злосмрадие, миро воистину благовонное, таинственное явился еси, Николае: люди Мирейския упасл еси и весь мир своим благодатным миром исполнил еси. И от нас убо богомерзкое греховное злосмрадие отжени, да благоприятно Богу вопием: Аллилуиа.

Икос 7

Н оваго тя Ноя, наставника ковчега спасительнаго разумеем, отче святый Николае, бурю всех лютых разгоняющаго направлением своим, тишину же Божественную приносящаго вопиющим таковая:

Радуйся, обуреваемых тихое пристанище; радуйся, утопающих известное хранилище.

Радуйся, плавающих посреде пучин добрый кормчий; радуйся, треволнения морская уставляющий.

Радуйся, превождение сущих в вихрех; радуйся, согреяние сущих во мразех.

Радуйся, сияние, скорбный мрак разгоняющее; радуйся, светило, вся концы земли просвещающее.

Радуйся, от бездны греховныя человеки избавляяй; радуйся, в бездну адскую сатану ввергаяй.

Радуйся, яко тобою дерзновенно бездну милосердия Божия призываем; радуйся, яко тобою от потопа гнева избавльшеся, мир с Богом обретаем.

Радуйся, Николае, великий Чудотворче.

 Кондак 8

С транное чудо является притекающим к тебе, блаженне Николае, священная твоя церковь: в ней бо и малое моление приносяще, велиих недугов приемлем исцеление, аще токмо по Бозе упование на тя возложим, верно вопиюще: Аллилуиа.

Икос 8

В есь еси всем воистину помощник, богоносе Николае, и собрал еси вкупе вся прибегающия к тебе, яко свободитель, питатель и врач скорый всем земным, на похвалу всех подвизая вопити к тебе сице:

Радуйся, всяких исцелений источниче; радуйся, люте страждущим помощниче.

Радуйся, заре, сияющая в нощи греховней блуждающим; радуйся, росо неботочная в знои трудов сущим.

Радуйся, подаваяй требующим благостроение; радуйся, уготовляяй просящим изобилие.

Радуйся, многажды прошение предваряяй; радуйся, старым сединам силу обновляяй.

Радуйся, многих заблуждших от пути истиннаго обличителю; радуйся, таин Божиих верный служителю.

Радуйся, яко тобою зависть попираем; радуйся, яко тобою благонравное житие исправляем.

Радуйся, Николае, великий Чудотворче.

 Кондак 9

Всякия утоли болезни, великий наш заступниче Николае, растворяя благодатная врачевания, услаждающая души наша, сердца же веселящая всех усердно к помощи твоей притекающих, Богу же вопиющих: Аллилуиа.

Икос 9

Вития суемудренныя нечестивых видим тобою посрамленныя, богомудре отче Николае: Ария бо хульника, разделяюща Божество, и Савеллия, смешающа Святую Троицу, препрел, нас же во Православии укрепил еси. Сего ради вопием ти сице:

Радуйся, щите, защищаяй благочестие; радуйся, мечу, посецаяй злочестие.

Радуйся, учителю Божественных велений; радуйся, губителю богопротивных учений.

Радуйся, лествице, Богом утвержденная, еюже восходим к Небеси; радуйся, покрове, Богом зданный, имже покрываются мнози.

Радуйся, немудрых умудривый твоими словесы; радуйся, ленивых подвигнувый твоими нравы.

Радуйся, светлосте заповедей Божиих неугасимая; радуйся, луче оправданий Господних пресветлая.

Радуйся, яко учением твоим сокрушаются еретическия главы; радуйся, яко тобою вернии сподобляются славы.

Радуйся, Николае, великий Чудотворче.

 Кондак 10

Спасти хотя душу, плоть твою духови покорил еси воистину, отче наш Николае: молчаньми бо прежде и бореньми с помыслы, деянию богомыслие приложил еси, богомыслием же разум совершен стяжал еси, имже дерзновенно с Богом и Ангелы беседовал еси, всегда вопия: Аллилуиа.

Икос 10

Стена еси похваляющим, преблаженне, чудеса твоя и всем к заступлению твоему прибегающим; темже и нас, в добродетели убогих, от нищеты, напасти, недугов и нужд различных свобождай, вопиющих ти с любовию таковая:

Радуйся, от убожества вечнаго изымаяй; радуйся, богатство нетленное подаваяй.

Радуйся, брашно негиблющее алчущим правды; радуйся, питие неисчерпаемое жаждущим жизни.

Радуйся, от мятежа и брани соблюдаяй; радуйся, от уз и пленения свобождаяй.

Радуйся, преславный в бедах заступниче; радуйся, превеликий в напастех защитниче.

Радуйся, многих от погибели исхитивый; радуйся, безчисленных неврежденно сохранивый.

Радуйся, яко тобою лютыя смерти грешнии избегают; радуйся, яко тобою жизнь вечную кающиися получают.

Радуйся, Николае, великий Чудотворче.

Кондак 11

Пение Пресвятей Троице паче иных принесл еси, преблаженне Николае, умом, словом и делом: многим бо испытанием правоверная повеления уяснил еси, верою, надеждою и любовию наставляя нас в Троице Единому Богу воспевати: Аллилуиа.

Икос 11

Светозарную лучу во мраце жития сущим неугасимую видим тя, Богом избранне отче Николае: с невещественными бо ангельскими светы беседуеши о несозданном Троическом Свете, верных же души просвещаеши, вопиющих ти таковая:

Радуйся, озарение Трисолнечнаго Света; радуйся, деннице незаходимаго Солнца.

Радуйся, свеще, Божественным пламенем возжженная; радуйся, яко угасил еси бесовский пламень нечестия.

Радуйся, светлое правоверия проповедание; радуйся, доброзрачное света евангельскаго сияние.

Радуйся, молние, ереси пожигающая; радуйся, громе, устрашающий соблазняющия.

Радуйся, истиннаго научителю разума; радуйся, таинственнаго изъявителю ума.

Радуйся, яко тобою попрася поклонение твари; радуйся, яко тобою научихомся покланятися Творцу в Троице.

Радуйся, Николае, великий Чудотворче.

Кондак 12

Благодать, данную ти от Бога, сведущии, радующеся, твою память празднуем по долгу, преславный отче Николае, и к чудному заступлению твоему вседушно притекаем; преславных же твоих деяний, яко песка морскаго и множества звезднаго исчести не могуще, недоумением объяти бывше, вопием к Богу: Аллилуиа.

Икос 12

Поюще твоя чудеса, восхвляем тя, всехвальне Николае: в тебе бо Бог, в Троице прославляемый, дивно прославися. Но аще и попремногу составленныя от души псалмы и песни приносим ти, Чудотворче святый, ничтоже творим равно дарованию чудес твоих, имже удивляющеся, вопием к тебе таковая:

Радуйся, Царя царствующих и Господа господствующих служителю; радуйся, служителей Его небесных сожителю.

Радуйся, людем верным поможение; радуйся, рода христианскаго возвышение.

Радуйся, победы тезоименитый; радуйся, венценосче нарочитый.

Радуйся, всех добродетелей зерцало; радуйся, всех притекающих к тебе крепкое забрало.

Радуйся, по Бозе и Богородице, все наше упование; радуйся, телес наших здравие и душ спасение.

Радуйся, яко тобою от вечныя смерти свобождаемся; радуйся, яко тобою безконечныя жизни сподобляемся.

Радуйся, Николае, великий Чудотворче.

Кондак 13

О пресвятый и пречудный отче Николае, утешение всех скорбящих, нынешнее наше приими приношение и от геенны избавитися нам Господа умоли богоприятным твоим ходатайством, да с тобою воспеваем: Аллилуиа.

(Этот кондак читается трижды, затем 1-й икос и 1-й кондак)

Икос 1

Ангела образом, земнаго суща естеством, яви тебе всея твари Создатель: благоплодную бо доброту души твоея провидев, преблаженне Николае, научи всех вопити тебе сице:

Радуйся, от утробы матерния очищенный; радуйся, даже до конца освященный.

Радуйся, рождением своим родителей удививый; радуйся, силу душевную абие по рождестве явивый.

Радуйся, саде земли обетования; радуйся, цвете Божественнаго саждения.

Радуйся, лозо добродетельная винограда Христова; радуйся, древо чудоточное рая Иисусова.

Радуйся, крине райскаго прозябения; радуйся, миро Христова благоухания.

Радуйся, яко тобою отгонится рыдание; радуйся, яко тобою приносится радование.

Радуйся, Николае, великий Чудотворче.

Кондак 1

Возбранный Чудотворче и изрядный угодниче Христов, миру всему источаяй многоценное милости миро и неисчерпаемое чудес море, восхваляю тя любовию, святителю Николае; ты же, яко имеяй дерзновение ко Господу, от всяких мя бед свободи, да зову ти:

Радуйся, Николае, великий Чудотворче.

Слушать акафист Николаю Чудотворцу


(После акафиста читается молитва)

Молитва Николаю Чудотворцу

«О всесвятый Николае, угодниче преизрядный Господень, теплый наш заступниче и везде в скорбех скорый помощниче! Помози ми, грешному и унылому, в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога всея твари Содетеля, избавити мя воздушных мытарств и вечнаго мучения: да всегда прославляю Отца, и Сына, и Святаго Духа, и твое милостивное предстательство, ныне и присно, и во веки веков. Аминь.»

Читать другие молитвы святителю Николаю Чудотворцу


Тропарь, глас 4-й

Правило веры и образ кротости, воздержания учителя яви тя стаду твоему, яже вещей истина; сего ради стяжал еси смирением высокая, нищетою богатая, отче священноначальниче Николае, моли Христа Бога спастися душам нашим.

Кондак, глас 3-й

В Мирех, святе, священнодействователь показался еси: Христово бо, преподобне, Евангелие исполнив, положил еси душу твою о людех твоих, и спасл еси неповинныя от смерти; сего ради освятился еси, яко великий таинник Божия благодати.

Величание Николаю, архиепископу Мирликийскому

Величаем тя, святителю отче Николае, и чтим святую память твою, ты бо молиши за нас Христа Бога нашего.


Сохранить акафист в социальных сетях:

Акафист святителю Николаю Угоднику, чудотворцу Мирликийскому: 14 комментариев

  1. Ольга

    Святитель Николай я тебя очень сильно люблю как родного человека! Спасибо тебе , моли Бога о мне грешной рабе Ольги .

  2. Ольга

    Святитель отче Николая моли Бога о нас, ты мне никогда не отказывал в помощи не оставь меня и в этот раз, мы тебя очень любим и чтим.

  3. Ольга

    Святой Отче Николае, пусть наша поездка завтра будет удачной, если на то Божья воля. Пусть те, кого я люблю будут здоровы и живут долго.

  4. Светлана

    Святой отче Николай Чудотворец, прошу помощи твоей послать мне работу, которая будет приносить прибыль и на которую ходить с удовольствием. Помоги святитель Николае Чудотворче справиться со всеми трудностями и пошли силы грешной рабе Божей Светлане чтобы преодолеть все и не унывать. Спаси и сохрани Господи.

  5. Любовь

    О, Всесвятый Николае Угодниче, помоги моей доченьке, рабе божьей Елене, упроси Господа нашего Иисуса Христа поднять её со смертельного ложа. Пусть дарует ей полное исцеление, вернёт её к нам, без всяких осложнений. Всю нашу жизнь будем прославляють Бога нашего и всех святых, у престола стоящих. Помоги нам, святитель Николае Угодниче.

  6. Олег

    О Святый Отче Николае Угодниче,помоги мне решить проблемы с судами и возвратом долга.Умоли Господа Бога простить все мои прегрешения и не потерять жилую площадь из-за мошенников Новокузнецких.Умоли суд принять справедливое решение.

  7. Наталия

    О святый Николае Великий Чудотвоче! Помолись за меня рабу божью Наталию. Умоли господа простить мне все мои прегрешения весомые и неведомые. Попроси господа, чтобы разрешилась моя ситуация с кредитами наилучшим для меня образом. Чтобы мы как можно скорее вернулись к работе и стали зарабатывать. Чтобы я смогла в ближайшее время закрыть все свои долги. Аминь.

  8. Ольга

    Святый Николае Угодниче, защити пожалуйста меня и мою семью от колдовства, помоги оградится от всего зла мне и моим близким и родным. Разреши пожалуйста мою тяжёлую ситуацию в жизни. Умоли Господа Бога простить все мои грехи, мне очень за них стыдно и я очень сильно расскаиваюсь в сделанных мною поступках. Простите меня за всё, я буду стараться стать чище душой и тянутся к свету. Пожалуйста помогите мне сохранить моё наследство которое пытается отнять у меня мачеха. Умоли суд принять справедливое решение.

  9. Олег

    Святитель Отче Николай,помоги мне решить проблемы на работе ,помоги мне придти к нашему Господу Иисусу Христу ,моли Бога о нас грешных.Благодарю тебя за все Святой Отче Николай.

  10. Лия

    Святой Николай Чудотворец, помолись за меня перед Господом нашим! Помоги мне совершить правильный выбор — это сейчас очень важно для меня. Я не знаю, уходить мне от мужа и уезжать или оставить все как есть? Помогу ли я маме своим уходом и переездом и себе. Сил нет жить во вранье, жадности и равнодушии и вообще как раньше. Но и разрушать семью тяжело. Ненависть моей свекрови портит мне жизнь. Не позволь моему мужу с его матерью оставить меня без квартиры. Но я не могу принять правильное решение. Помоги мне в этом, молю тебя. Во имя Отца и Сына и Святого духа иже присно и во веки веков, аминь.

  11. Татьяна

    Святый Отче Николае, моли Бога обо мне грешной р.Б. Татьяне. Отче помоги на моем пути жизненном справляться со всеми тяготами, умоли Господа нашего отвести беду от моих детей Ярослава и Егора, даруй здравие им. Святый угодниче Божий помоги умолить Бога нашего Иисуса Христа даровать исцеление сыну моему младенцу Егору от тяжких болезней, пошли здравия моим родителям, Любови и Сергию, спаси и сохрани мою семью Верую, что не оставишь меня грешную в скорбный час! Спасибо тебе! Аминь!

  12. Галина

    Святой отче Николай Чудотворец, прошу помощи твоей в поиске хорошей работы, которая была бы мне по душе. Помоги святитель Николае Чудотворче справиться со всеми трудностями и пошли силы мне грешной рабе Божьей Галине. Помолись за меня Господу нашему, чтобы простил грехи мои. Благодарю за все Николай Чудотворец. Спаси Господи. Аминь.

  13. Татьяна

    Святой Отче Николай Чудотворец моли Иисуса Христа о здравии раба Божьего Льва. Отче помоги ему заговорить и излечиться от болезней, Дай ему терпения учиться. Спасибо господи, что ты у нас есть. Благодарим за всё! Во имя отца и сына и святого духа. Аминь.

Добавить комментарий для Ольга Отменить ответ

Ваш адрес email не будет опубликован. Обязательные поля помечены *