3 сильных молитвы священномученику Власию Севастийскому

4.3/5 - (29 голосов)

Оглавление:


Молитва священномученику Власию Севастийскому от болезни животных

«О многострадальный отче, великий угодниче Божий, священномучениче Власие. Услыши нас,грешных,к тебе прибегающих и тепле тебе молящихся. Буря многих зол, бед и скорбей обдержит нас, болезни душевныя и телесныя и всякия наваждения вражия обуревают нас. Мы же нерадим о спасении нашем, ниже достойны есмы по грехом нашим у Господа помощи просити. Но ты, добрый пастырю, велие дерзновение имеяй у Милостиваго Бога, якоже иногда ведомый на мучения твоя, вдовицы слезящия, приникшия к тебе, не отринул еси, ину бо от напасти зверя свободил еси, иныя же отроку исцеление у Господа испросил еси, такожде и ныне призри на чада твоя,в час сей к тебе притекшия, утешения и помощи просящия. Ты убо Господа умолил еси: аще кая болезнь или беда имут кому быти и той помянет имя твое – помощи всякому в прославление Его Пресвятаго Имени. Не отрини нас, молящихся тебе, но якоже обещался еси, во благо сотвори всякое прошение наше, по милости Всеблагаго Бога, Емуже честь и слава во веки веков. Аминь.»

Молитва священномученику Власию Севастийскому от болезни горла

«Преблаженне и приснопамятне священномучениче Власие, дивный страдальче и предстателю наш теплый, по отшествии твоем в жизнь вечную призывающим твое святое имя пособствовати и во всяких прошениях услышанным быти обещавый! Се, ныне к тебе угоднику Божию, яко ко истинному ходатаю спасения, притекаем и смиренно молимся: предстани нам в помощь, узами грехов связанным, подвигнися на всемощныя твоя к Богу молитвы и помолися о нас грешных: тя бо, недостойнии, призывати на заступление дерзаем, и желаем от всех грехов наших тобою свобождение получити. О, святче Божий Власие! В сокрушении и смирении сердца нашего пред тобою припадаем и молимся: осияй нас, омраченных наветы вражиими, светом благодати свыше, да в нем ходяще, не преткнем о камень ног наших. Тя, яко сосуд в честь избранный и исполненный благодати Божия, молим: сподоби нас грешных от исполнения твоего желаемое прияти, и исцели наша душевныя и телесныя язвы, грехом же нашим прощение и душевному и телесному нашему здравию спасение полезное у Господа испроси, да всегда прославляем Отца и Сына и Святаго Духа, и твое милостивное предстательство о душах и телесех наших, ныне и присно и во веки веков. Аминь.»

Молитва священномученику Власию Севастийскому на очищение дома

«О великий и славный страстотерпче, помощниче наш и теплый заступниче всем с верою притекающим к тебе, святый священномучениче Власие! Призри от горния славы милостивым оком твоим на предстоящия люди и умильно тебе молящияся, простри теплыя молитвы твоя ко Господу Богу нашему, испроси у Него прощения согрешений наших, но еже избавитися нам от всегубительной язвы, труса, потопа, огня, меча и вечныя казни, исходатайствуй пред Престолом Господа Вседержителя немощным телесем нашим оставления согрешений, всем же чтущим честную память твою, укрепления на дела благая, не презри нас недостойных, молящихся тебе пред честною иконою твоею и просящих твоея помощи и заступления, испроси нам вся яже ко спасению нашему полезная, да богоугодная Владыце нашему Иисусу Христу зде творяще, сподобимся молитвами твоими наследовати Царствие Небесное, идеже вкупе с тобою прославим Единаго в Троице славимаго Бога Отца, и Сына, и Святаго Духа, во веки веков. Аминь.»

3 сильных молитвы священномученику Власию Севастийскому: 2 комментария

  1. Илья

    Святой Батюшка Власий,молитвами твоими да вернёт Господь котика Чубакку,потерявшегося в деревне Ерепеты!Аминь!

  2. Irina

    Илья, сщмчк Власiй очень помогает: и против болезни, и по жизни;
    скорблю с вами о котике;
    свидетельствую: даже если он и не найдется, — необходимо не ослабевать в млтве и просить у владыки Власiя помощи ему: на этом свете и на том!.
    .. энергия нашей молитвы даром не пропадет:
    она увеличит количество добра в мiре и поможет не только Чубакке, но и другим животным!.
    .. немного жаль, что уверенность в этой непреложной истине у наших современников гораздо слабее, чем это нужно от нас Богу;

    .. хотела бы всем нам пожелать не забывать, яко —

    СЛАВА БОГУ ЗА ВСЁ!. АМИНЬ.

Добавить комментарий

Ваш адрес email не будет опубликован. Обязательные поля помечены *