Молятся святому об исцелении страдающих душевными недугами и помрачениями разума, а так же при обморожениях.
Оглавление:
Молитва Андрею юродивому об исцелении от душевных болезней и прибавлении ума
«О, великий угодниче Христов, истинный друже и верный рабе Всетворца Господа Бога, Преблаженне Андрее! Услыши ны, многогрешный, ныне вопиющия к тебе и призывающия имя твое святое, помилуй ны, припадающия днесь к пречистому образу твоему, приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых врагов и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков. Аминь.»
Молитва блаженному Андрею, Христа ради юродивому во время сильных морозов
«О святый угодниче Божий, блаженне Андрее! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойнии есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.»
Тропарь Христа ради юродивому, глас 1
Глас Апостола Твоего Павла услышав глаголющ, мы юроди Христа ради, раб Твой, Христе Боже Андрее,юрод бысть на земле Тебе ради: темже память его почитающе, Тебе молим, Господи, спаси души наша.
Кондак Христа ради юродивому, глас 8
Вышния красоты желая и нижния сласти телесныя точно оставил еси, нестяжанием суетнаго мира, Ангельское житие преходя, скончался Андрее, блаженне: с нимиже Христа Бога моли непрестанно о всех нас.
Величание Христа ради юродивому
Ублажаем тя, святый праведный Андрее, и чтим святую память твою: ты бо молиши за нас Христа Бога нашего.